கோல திரங்கானு, டிச 16- திரங்கானுவில் வெள்ளத்தால் பாதிக்கப்பட்டோரின் எண்ணிக்கை இன்று காலை 141 குடும்பங்களைச் சேர்ந்த 470 பேராக அதிகரித்துள்ளது.
நேற்று மாலை 101 குடும்பங்களைச் சேர்ந்த 326 பேருடன் ஒப்பிடுகையில், மாநிலத்தில் பெய்து வரும் தொடர் மழை காரணமாக இந்த அதிகரிப்பு ஏற்பட்டுள்ளது.
திரங்கானு மாநிலப் பேரிடர் மேலாண்மைக் குழு செயலகத்தின்படி, உலு திரங்கானுவில் ஞாயிற்றுக்கிழமை முதல் நான்கு தற்காலிக வெள்ள நிவாரண மையங்களில் (PPS) 86 குடும்பங்களைச் சேர்ந்த 266 பேர் தஞ்சம் புகுந்துள்ளனர்.
இதில் Kampung Lubok Periok PPS கட்டிடம், Kampung Peneh பள்ளிவாசல், Kampung Kemat சமூக மண்டபம் மற்றும் Kampung Pelandan சமூக மண்டபம் ஆகியவை அடங்கும்.
கெமாமனில், ஆறு தற்காலிக வெள்ள நிவாரண மையங்களில் 56 குடும்பங்களைச் சேர்ந்த 204 பேர் தஞ்சம் புகுந்துள்ளனர்.
அவை Kampung Air Putih சமூக மண்டபம், Air Putih சிவிக் மண்டபம், Kampung Seberang Tayur Hulu சமூக மண்டபம், Ketengah Dandong மண்டபம், Batu 14 சமூக மண்டபம் மற்றும் Kampung Batu 16 Tebak பள்ளிவாசல் ஆகும்.
publicinfobanjir.water.gov.my என்ற இணையதளத்தின்படி, பெசுட்டில் உள்ள Jambatan Keruak-இல் Sungai Besut-இன் நீர்மட்டம் அபாய அளவைத் தாண்டியுள்ளது.
அதே நேரத்தில், கெமாமனில் உள்ள Rumah Pam Paya Paman-இல் Sungai Kemaman-இன் நீர்மட்டமும், உலு திரங்கானுவில் உள்ள Kampung Sekayu (F2)-இல் Sungai Tersat-இன் நீர்மட்டமும் எச்சரிக்கை அளவைத் தாண்டியுள்ளன.
