செர்டாங், நவம்பர் 10 — ஆசியா முழுவதும் 1,526 பல்கலைக்கழகங்கள் இடையே, மலேசிய புத்ரா பல்கலைக்கழகம் (UPM) மீண்டும் தனது கல்வித் திறமையை நிரூபித்து, QS World University Rankings 2026: Asia பட்டியலில் 22வது இடத்தை பிடித்துள்ளது.
இந்த சாதனை, மலேசியாவின் இரண்டாவது சிறந்த பல்கலைக்கழகமாகவும், தென்கிழக்கு ஆசியாவின் நான்காவது சிறந்த பல்கலைக்கழகமாகவும் UPM-ஐ நிலைநிறுத்தியுள்ளது.
இந்த சமீபத்திய முடிவுகள், ஆசியாவில் முதல் 1 சதவீதம் சிறந்த பல்கலைக்கழகங்களில் ஒன்றாக UPM-ஐ உயர்த்தியுள்ளன. இதற்குக் காரணமாக 11 QS மதிப்பீட்டு குறியீடுகளில் அனைத்திலும் முன்னேற்றம் காணப்பட்டதோடு, நான்கு முக்கியமான குறியீடுகளில் 100 சதவீத மதிப்பெண் பெற்றுள்ளது. அவை வெளிநாட்டு மற்றும் உள்நாட்டு மாணவர் பரிமாற்றம், சர்வதேச மாணவர் விகிதம் மற்றும் முனைவர் பட்டம் பெற்ற விரிவுரையாளர்கள் ஆகும்.
பல்கலைக்கழகத்திற்கு தொடர்ந்து கிடைக்கும் முன்னேற்றம் அதன் நிறுவன வளர்ச்சியின் நிலைத்தன்மையை பிரதிபலிக்கிறது. கடந்த ஆண்டை விட ஒட்டுமொத்த மதிப்பெண்கள் மற்றும் 11 குறியீடுகளில் 9-இல் புதிய சாதனைகள் எட்டப்பட்டுள்ளதாகவும் UPM துணைவேந்தர் டத்தோ’ பேராசிரியர் அக்மத் ஃபர்ஹான் மொக்ட் சாதுல்லா கூறினார்.
இந்த வெற்றி UPM குடும்பத்தின் அர்ப்பணிப்பு மற்றும் ஒற்றுமையின் பலன். நாம் மேலும் வலுவான குழு ஆற்றலுடன் பெரிய தாக்கங்களை உருவாக்கத் தொடர்வோம்,” என்று அவர் கூறினார்.
மேலும் UPM, அகாடமிக் பெருமை (99.3%) மற்றும் தொழில் வழங்குநர் மதிப்பீடு (98%) ஆகிய துறைகளிலும் மிக உயர்ந்த மதிப்பெண்களைத் தக்க வைத்திருக்கிறது. அதோடு, Papers per Faculty மற்றும் Citations per Paper குறியீடுகளிலும் முன்னேற்றம் காணப்பட்டு, பல்கலைக்கழகத்தின் வலுவான ஆராய்ச்சி பண்பையும் சர்வதேச வெளியீட்டுத் தாக்கத்தையும் வெளிப்படுத்துகிறது
